భజరే మానస గోపాలం------?
====================
మల్లెపూవులాంటి ఆకాశం మీద
ఈ తుడుపుకు వీలుకాని మరకలేమిటి?
అసురసంధ్య సమీపించకముందే
వర్ణ శోభితం కాలేని  నీ వదనం పైన
రచితమైన ఈచిత్ర విచిత్రమైన
 రంగుల అద్దకాలేమిటి?

ఉదయాన్నే ప్రశాంతంగా ఆఫీసుకెళ్ళినవాడు
సాయత్రం తిరిగొచ్చేసరికి వినిపించే
ఈ ధుమ ధుమల మాటేమిటి?
కారణాలు వెదకడంలోనే కాలం
ఖర్చయిపోతుంటే జమచేయగల
అనుభూతుల ఖజానాలో పడని పద్దుల మాటేమిటి?


సుద్దులు చెప్పడంతోనే సుప్రభాత శ్లోకాలు మొదలవుతుంటే
పొగలు గక్కుతూ సువాసనలు వెదజల్లే పింగాణీ కాఫీ కప్పుకు
ససేమిరా పొసగనటువంటి ఈ బుంగమూతి వంకర టింకరలెందుకు?

పవళింపు సేవగదాని ప్రత్యేకంగా ఎంచుకుని కట్టుకున్న
కాటీడుకోకకు సంవత్సరం పాటే మనవలసిందన్న
 నిబంధనను ఆచరణలో గౌరవించి  మన్నించేఅవకాశమెప్పుడు?