విహంగ గానం
-------------============రావెల పురుషోత్తమ రావు.
పక్షులెలా వేదికమీద భయం లేకుండా
ఎలా పాడగలుగుతున్నాయోతెలుసా?
శ్రోతలు రాలేదన్న దిగులులేదు.
ఆహ్వాన పత్రికలు
 అచ్చొత్తించాలన్న ఆతృత కూడా కనరాదు.
సభామందిరాన్ని శ్రోతలకనుకూలమైన
ప్రదేశంలోపెట్ట వలసిందే నన్న నిబంధన కనిపించదు.


ప్రవేశద్వారం వద్దనే టిక్కెట్లను గబ గబా అమ్ముకోవాలన్న గాబరానూలేదు.
తరుశాఖలనే వేదికలుగా మార్చుకోగల  సత్తా వాటికుంది.

గాలి వీచే ప్రకంపలనే మైకుల్లా మార్చుకోగల
సాంకేతిక సహకారం వాటికి స్న్నిహితంగనే లభ్యమౌతుంది.

లేచివురాకులనే నమిలి అవి గాత్ర శుద్ధిని
చేసుకోగల సౌకర్యమూ సన్నిహితంగానే  వుంది.
గాన కచ్చేరీ ప్రారంభమయాక  వాయు తరంగాలే ప్రసార
మాధ్యమాలుగా పనిచేయించుకోగల పటిష్టమైన సామర్ధ్యం వాటికుంది.


ఒక్కొక్క సారి తమ రెక్కలనే ఒత్తి పట్టుకుని
గళలను సవరించగానే పాటపల్లవై ప్రభవిస్తుంది.
లోపల ఆంతరింగికంగా వాటిలో పొంగిపొరలే చైతన్య స్రవంతులే
చరణాలై ఉద్భవించి ఉప్పొంగి పారుతూ ఉరుకులెట్టడం మొదలెడతాయి.
ఆకులగలగలలే వతికిప్రశంసలనందిచే సహృదయ శ్రోతల కర్తాళ
తోసమ్మిళితమైన  ధ్వనుల హర్షామోదాలు.
కోయిలమ్మలు చెంతజేరి పాడె కోరస్ సహకారాలే
వాటికందే అనూహ్యమైన అభినందనలు.
పైగా  శతాయుస్షులందించే  కరుణారస హృదయ స్పందనల ఆశీర్వచనాలు.

=====================================================
రావెల పురుషోత్తమ రావు.
1651 briar cliff dr
nOLENSVILLE Tn 37135
=======