శిశిర రుతువులా వృద్ధాప్యం

నిన్నటిదాకా ఈపూలు

ఎంతపరిమళాన్ని ప్రసరింపజేసాయి?

చుట్టూ వున్న పరిసరాల్ని

ఎంతగా గుబాళింప జేసాయి?

మరి ఇప్పుడు ఎందుకిలా

 ఈ తోట కళా విహీనంగా తయారయింది?

పొరుగున పారే మురుగునీటితో

 ఎవరో చేజేతులా  ఈ నిర్ఝరిని

 కళంకితం గావిస్తున్నారు ?

పడమటి శాంబరం మొదలయినప్పుడే

ఈ కుడి ఎడమల  దగా ప్రారంభమయింది

మన స్వేదఫలాన్ని వాళ్ళు డాలర్లుగా,  సులుసూత్రంగా   మార్చేసుకుంటూ

 శ్రీ  పతాకాన్నెగరేసుకుంటున్నారు! !

ఈ డాలర్ వెన్నెల

వికసించడం మొదలయాకే

ప్రతి ఇంటా ఒంటరితనపు చీకట్లు

కమ్ముకోవడం గమనిస్తున్నాం

ఎదుగూ బొదుగూ లేని భవితవ్యం

ఎదురుగా కునారిల్లుతున్న ముదిమితనాన్ని

ఆసాంతం పరిహసించడం

 అప్పుడే ప్రారంభం జేసింది.

గమ్యం యెరుగని పయనానికి దారి

గాసట బీస ట మారి 

 ముళ్ళ బాట గా తయారయింది

వయసు నొసలుపై గీస్తున్నవృద్ధాప్యపు రేఖలకు క్షణ క్షణానికీ వాడిపో యి ,

 రాలి పడే  గుణం

 వడి వడిగా   అద్దబడుతున్నది.

పడమటి సంధ్యారాగానికి దగ్గరవుతున్న 

వృద్ధాప్యపు అసుర సంధ్య వేళా వ్యగ్రతకు

వసివాడిపోయే శిశిర రుతువు

శాశ్వతమయేలా కనిపిస్తున్నది

ఇకపై ఒంటరి తనపు చీకట్లు

దట్టంగా కమ్ముకుని

జీవనసమరంలో పరాజి త మవుతూ

ఆకులు రాలే కాలం అనుస్యూతంగా సాగడం

ఒంటరితనపు చీకట్లే

ఇంటింటా శాశ్వతంగా మిగిలిపోయే తీరే

ఖాయమయేలా కనిపిస్తున్నది.

_{88*************************************************8}

ఈ కవిత నాస్వంతం

దేనికీ అనుకరణ గానీ,అనుసరణ గానీ

అనువాదంగానీకాదని హామీ

----------------------------

అనువాదంగానీకాదని హామీ

----------------------------

రావెల పురుషో త్త మరావు

ఇంటినంబర్: 360

2/5 కృష్ణ నగర్ గుంటూరు

522006

9394100531