---------
నిన్ను తలచుకున్నప్పుడలా
పొంగిపొరలుతూ ప్రవహించే
దు:ఖ సాగరాలు.
సునామీలను మించినట్లుగా
సుఖాలను ముంచేసిన ప్రవాహలు
నిన్నుపోగొట్టుకున్నరోజునే నేను
కోహినూరు వజ్రాన్ని పోగుట్టున్నంతగా
విలపించి విషణ్ణవదడునై పోయాను.
కోహినూరు పొందగలిగే స్తోమతనీకుందా?
అని ఎవరు ప్రశ్నించినా
నా సమాధానంకేవలం
మౌనాన్ని నిర్వచించే ఓ చిరునవ్వు.
ఎవరికైనా ఎలా తెలుస్తుంది ఆవజ్రంతో
నిన్నెందుకు పోల్చవలసి వస్తున్నదో.
అనుభవించిన వాడికేగదా
అనుభూతి సాంద్రత అర్ధమయేది?
===========================
No comments:
Post a Comment