అక్షంతవ్యం-----
==============రావెల
**************************


మందుతోకూడిన విందా?
క్షమించండి నేనురాలేను.

స్థాయిని మించి అమ్మాయిపెళ్లి చేస్తున్నారా ?
క్షమించండి నేను హాజరు కాలేను.

యౌత్ ఫుల్ వినోదమందించే సినిమానా?
క్షమించండి నేనా అసందర్భపు
 దృశ్యాలను,ప్రేలాపనలను  చూసి తట్టుకోలేను.

అధునాతనమైన ఇతివృత్తంతో కధానికా
ఆ అసభ్యతా, కుసంస్కారలను చదివి
నిగ్రహించుకోలేను నన్ను క్షమించండి.


వినూత్నమైన పొందికతో అల్లిన సినిమా సంగీతమా?
ఆమణిప్రవాళపు రీతులను కర్ణకఠోరమైన నాదాన్ని నా చెవులు
భరించలేవు నన్ను మనసారా క్షమించండి.

=====================================