ఇది పున్నమిరేయి
పిండారబోసినట్లుగా వెన్నెల
పరుచుకునిపోయింది విశాలంగా
నల్లటిమబ్బులు ఆకాశాన్ని కమ్ముకుని
ప్రాణికోటినంతా ఉక్కిరిబిక్కిరిచేసే సమయాన
సరిగ్గా నీ వు నాచెంతకు చేరి నామెడచుట్టూ
నీ కరకమలాలను మృదువుగా అల్లుకునేలా చేసి
నన్ను ఆనంద వార్ధిలో మునకలేసేలా చేసావు.


ఆమరుక్షణమ్నుంచీ నాతనువులోని ప్రత్యణువూ నీకోసం
తహతహలాడడం మొదలెట్టాయి గమనించావోలెదోనువ్వు.
ఇప్పుడు కొంగ్రొత్త వూహలు నామస్తిష్కంలో ఊరి
నన్ను నాలోని రామణీయకతను సందడిచేయమని
గొడవచేసి గోల చేస్తున్నాయి. ఇదేమిచోద్యమోమరి!

రా గబగబా నాచెంతకు చేరి నీ ఉచ్చ్వాస నిశ్వాసాలలో
నన్ను ఊపిరులు  పీల్చుకునేలా సన్నిహితంగా నాదగ్గరకు చేరుకో!
నీ చిరునవ్వుల సవ్వడిలో నా హృదయగతులను వేగవంతంచేసి
నా ప్రణయగాఢానురక్తికి అద్దంపట్టవా నీ ఆశంసలతో!!
-----------------------------------------------------------------------