నేను నడుస్తున్నంతసేపూ
నాతో నువ్వు నడుస్తున్న అనుభూతి
నేను నవ్వుతున్నంతసేపూ
నాతో నీవు శృతి కలుపుతున్నావనే
అమృత భావన.
 ఎన్నెన్ని అనుభవాల సమారోహమో గదా
మన జీవన సంగమం.
నడిమయాన అనుకోకుండా ఆవిర్భవించిన
ఈ పాంధశాల.

మిగిలిన జీవన సమరంలో
ఒంటరి యాత్రికుడిగానే గదా నా  ప్రయాణం.

దాహమైనప్పుడే తెలుస్తుందేమోలే
ఎడారియానంలోని ఒడిదుడుకులలో
 నేర్చుకున్న పాఠాల యొక్క సారాంశం.

ఏకాంతం వెక్కి వెక్కి  యేడుస్తున్నప్పుడేగదా
అవగతమయేది దు:ఖాశ్రువుల దాహార్తి.
======================================