నాలో నేను తొంగి చూసినప్పుడల్లా
నీ నగుమోమె నా మనస్సుపై
 ముద్రితమై దర్శనమిస్తుంది.

నా గుండెను నేనే తడిమిచూసుకుంటే
ఎక్క్కడనుంచో తడి తడిగా
 తేమ ఊరుతున్నట్లనిపిస్తుంది.

మనింటిపెరట్లో పూచే ప్రతిపువ్వులోనూ
నీఅనురాగమే సుతిమెత్తగా సాక్షాత్కరిస్తూ
నన్ను అప్రతిభుడిని గావిస్తుంది.

ప్రతిక్షణం నా ఊపిరితిత్తుల్లో
నీ శ్వాసతోనే ఊసులాడుతున్నట్లనిపిస్తుంది.

అనుభూతిప్రధానమైన కవితను వ్రాసినప్ప్పుడల్లా
అక్షరాలన్నింటినీ నీవే దగ్గరుంది యేర్చి కూర్చినట్లుగా
అనుభూతి నన్ను అశ్రునయనాలతో
వీక్షిస్తున్నట్లుగా
 దృష్టిగోచరమౌతుంది
ఎక్కడినుంచో యేదో గుబాళింపు నన్ను కట్టిపడేసి
బందీగా నీసాన్నిహిత్యానికి చేరువగా బడిపిస్తున్న భావన
నన్ను ధరణిపై ఇప్పుడు బ్రతికిస్తున్నట్లనిపిస్తుంది.

============================================