నీ మృదుమధురమైన
అనురాగబంధాలన్నింటినుంచీ
నన్ను పూర్తిగా విముక్తం గావించు.
ప్రియా నన్ను సర్వాంగాలా మత్తిలజేసే
అధరామృతాన్ని ప్రేమపురస్సరంగా నాకందించు.

నీ గృహద్వారాలనన్నింటినీ బార్లాతెరువు.
ఉదయకాంతులన్నింటినీ స్వేచ్ఛగా అన్ని మూలల్లోకీ
ప్రసరించేలా చూడు.

నాసర్వస్వాన్నీ నీకు సమర్పించుకున్నాను.
నీ అనురాగానుభూతులను మెత్తని దుస్తుల్లో మడిచిపెట్టి
భద్రంగా నులివెచ్చదనం అందేలా ఎక్కడయినా దాచిపెట్టు.

నన్ను నీ వశీకరణ పరిధుల్లోంచి విముక్తం గావించు.
మళ్ళీ నాపురుషవాన్ని నాకందించు.
అప్పుడు మళ్ళేఏ నేను స్వంత్రమైన హృదయంతో నీకు
పునరంకితమయే దిశగా చర్యలు చేపడతాను.

[టాగూరు తోటమాలిలోని కవితకు తెలుగుసేత]