కొత్తపాఠం---
--------------రావెల

మళ్ళీ మనోజ్ఞంగా
నాకలానికి పదును పెట్టాలి.
ఈ సాహితీ గృహానికిపట్టినబూజునంతా
ఒక్కుదుటున దులిపేప్రయత్నం చేయాలి.

అర్ధం పర్ధంలేని సినీగీతాలతో
విసుగెత్తిపోయిన హృదయానికి
కొత్తదనం సంతరించుకునేలా సాయపడాలి.

మకిలపట్టిపోయిన మానవతావిలువలలు
కిలుముపోయేలా చింతపండుతో
తళతళలాడేలాతోమేసెయ్యాలి.

మరో నవశకానికి నాందీవచనం
పలికేందుకు యువతను ఎగసి ఉరికే
తరంగాల్లా తయారు చేయాలి.

మసకబారిపోతున్న మన సమాజానికి
మంచి రూపునుకల్పించే
దిశగా నిరంతరం స్వేదంచిందిస్తూ
శ్రమించాలి--గమ్యం
 శీఘ్రగతిలో చేరుకోవాలి.

===========================