బహుముఖీనంగా--------
---------------రావెల పురుషోత్తమరావు.
=========================



ఒకప్పు డు నాకు
ఒక్క ముఖమే వుండేది,
అందరి ఆదారాభిమానాలను
చూరగొంటూ ఆదర్శంగా
బ్రదుకు తుండేవాడిని.

ఆతర్వాత రెండుముఖాలొచ్చాయి
ఆంతరింగికంగా ఒక విధంగా
బాహిరకంగా మరో రకంగా
పరిచయమవుతూ
 పరకాయప్రవేశం
చేసే వాడిగా అందరినోళ్ళలో
పలుచబడిపోయాను.

ఇప్పుడిలా కాలక్రమేణా
రాజకీయాన్నాశ్రయించగానే
ఒ క్కుదుటన బహుముఖాలొచ్చి
బరితెగించిపోతున్నాను.

రాజధాని నిర్మాణంకోసం
రైతులచేతుల్లోంచి పచ్చని
పంటపొలాలను గుంజుకునేస్థితిలో
ఒక రకంగా ప్రత్యక్షమౌతాను.
దేబిరించే ముఖంతో
 దీనంగా ప్రత్యక్షమౌతుంటాను.
తరతరాలుగా, వంశానుక్రమంగా
 వస్తున్న ఆస్తిని పోట్టుకున్న రైతుల్లా
 దీనాలాపంతో  మరో దశలో దర్శనమిస్తాను.

అవినీతి అక్రమాలకు
అడ్డాగా నిలిచినప్పుడు
ఎర్రబడినమొహంతో
పే  ట్రేగి  పోతుంటాను.
అధికారులతో అనధికారులతో
గిల్లికజ్జాలు పెట్టుకుని పత్రికలకెక్కి
పొంగిపోతూ వుంటాను.

ఓదార్పు యాత్రలప్పుడూ
పరామర్శపేరుతో
 పలకరింపులకెళ్ళినప్పుడూ
దైన్యవదనం తో
 పులుముకుని
దిష్టి బొమ్మనుపోలి నిలుచుంటాను.

రంగులు మార్చుకునే రాజకీయానికి నేనే

రంగవల్లినై వూసరవల్లికి
 కూడా మార్గదర్శినైపోయాను.


నేనే నిర్వచనమై సోపపత్తికంగా
నిర్వచనంగాకూడానిలబడిపోయాను.
ఇన్నిముఖాల కవళికలమధ్యన
అసలు ముఖ కవళికలు అదృశ్యమై
అన్ని సమయ సందర్భాలలోనూ
వివర్ణుడనై వెకిలిగా అందరికీ
కనబడుతూ నవ్వుతాలుగామారిపోయాను.
------------------------------------
Ravela purushothamarao
1651 briar cliff dr
nolensville TN[USA]
37135