అన్వేషణ
---------------------
అందరూ జాలితో నావైపు
చూపు మరల్చకుండా చూస్తున్నారు

బాధలున్నాయ్
సంతోషాలున్నాయ్
సంతాపాలూ ఉన్నాయ్
ప్రతిప్రాణీ భరించలేనంతగా
ప్రశ్నలములుకులు పెనవేసుకుని
ప్రతినిత్యం శూలాల్లా గుచ్చుకుంటూనే వున్నాయ్.

ఐనా ఆశల చివుళ్ళు అనవరతం
ఆహ్వానాలనందిస్తూనేవున్నాయ్.

సంధ్యాసమయాల్లో
ఉవ్వెత్తున ఎగసిపడే  సందేహాలకు
సమాధానాలు చిక్కకుండా పరుగెడుతూనే వున్నాయ్.

జనన మరణాలమధ్యన ఆధ్యాత్మికతను
అందిపుచ్చుకునే అవకాశాన్ని మెదడు అందిస్తూనే వున్నది.

చిక్కు వచ్చిపడిందల్లా చిక్కి శల్యమౌతున్న మనోధైర్యాన్ని
చిక్కులపాలిట బడి క్రుంగి కృశించకుండా
దగ్గరుండి నడిపించగల ధీరోదాత్తుడయిన
స్నేహశీలికోసమే ఈ నా నిరంతరాన్వేషణ.
====================================

ఋణగ్రస్తం
----------రావెల
------------------------
మనమందరం ఆజన్మాంతం
అగణితంగా ఋణపడివున్నాం
చదువులనునేర్పించిన గురువులకన్నా
జనమ్నందించిన అమ్మా నాన్నలకన్నా
అహోరాత్రాలు ఊడిగంజేయించుకున్న సంస్థకన్నా
అభివృద్ధిపధంలో పయనింపజేయాలని
ప్రజానుగుణమైన పనులనన్నింటినీ లిస్టుగారాసుకుని
ప్రభుత్వ ఖజానాను ఆదాయపన్ను
రూపంలో అనవరతం నింపుకుంటూ
రాష్ట్రంతరుఫునా కేంద్రం తరఫునా

తాకట్టుగా వాకట్టును తనఖాగా పెట్టి
ప్రపంచబ్యాంకు పాలకుల వద్ద మనం తలలు వంచి
చేతులు వినయ విధేయతలతొ కట్టుకుని
ఆజన్మాంతం మనం అమాంతంగా ఋణగ్రస్తులమని తెలుసుకున్నాం. 

మనిషి ఓడిపోతున్న వేళ
=====================
వైఫల్యాలు తమ వైశద్యాన్ని విస్తరిస్తూ పోతుంటే
మనిషితనం మానవలోకాని విస్మరించడం మొదలయింది.

సిధాంతాలన్నీ శీర్ణపత్రాలుగా రాలిపోతుంటే
వైరుధ్య భావాలు నిషిద్ధాఖరిని ఆలింగనం చేసుకుంటున్నది.

పల్లె ప్రాంతాల్లో పనితనం కనుమరుగైపోవడం విస్మయం కలిగిస్తుంది.
ఇదంతటినీ ప్రత్యక్షంగా కనిపెట్టి నేలతల్లి నిలువునా నీరవుతున్నది.

నగరాల నయగారాలచుట్తూ వలసల ఉదంతాలు
గాయాలచు చుట్టూ  ముసురుకునే ఈగల్లా ముసురుకుంటున్నది.

మందిరం దగ్గరో మసీదు సమీపంలోనో
మారణహోమం దైనందిన చర్యగా మారిపోయింది.
మతతత్వ ప్రాదిపదికా పాలించే పార్టీలు శ్రీమంతుల కొమ్ముకాస్తూ
వారి వారి ప్రయోజనాలను విస్మరించకుండా కాపాడుతున్నవి.

కలాలు కులాలవారీగా విదిపోయీరువుతెచ్చుకున్న
 ఐశ్వర్యరాగాన్నీఅలపించదం అభ్య్సిస్తున్నది.

మనిషి ఓడిపోవడం ఖాయమని తెలిసాక
మేధవేదెక్కి ఆవిరవ్వడం ఆరంభమయింది.
ఋతువులు తతమ పంధాలనుమార్చుకుని
ప్రకృతిమాతను భయభ్రాంతులకు గురిచేస్తున్నది.
=====================================

శబ్ద శునకం
-----------------రావెల
==========================

మాఇంట్లో
ఓ శబ్ద శునకం ఉద్భవించింది.
సుప్రభాత సేవ దగ్గరనుండీ
పవళింపు సేవదాకా ప్రచార హోరుతో
నినదిస్తూనే వుంటుంది.

మొన్న మొన్నటిదాక నలుపుతెలుపుతో
సాధారణంగా దర్శనమిచ్చేది
ఇప్పుడు మారుతున్న సాంకేతికనుగుణంగా
రంగుల హంగుల్తో హంగామా చేస్తున్నది.
 ఇకనిరంతరం వార్తాస్రవంతిపేరిట
చెవిటివాని దగ్గర శంఖమూదినట్లు
పొద్దస్తమానం పోసుకోలు వార్తలతో
పొద్దుపుచ్చుతూ రోజులను ఇట్టే సాగదీస్తున్నది.

ఇక ధారావాహికలపేరిట
అత్తాకోడళ్ళ మధ్య ఉన్నకాస్త
అన్యోన్యాన్ని ఇట్టే హరించివేస్తున్నది.

అల్లుడు శ్రీమహవిష్ణువనీ
అమ్మాయిని కొంగట్టుకు తిరుగుతాడనీ
పదే పదే చెప్పి ప్క్షపాతాన్ని
 ఇతోధికంగా పెంచే ప్రయత్నం చేస్తున్నది.

కొడుకుని కొరకరానికొయ్యగా
కోడలు చెప్పిందే వేదాంతమంటాడని
రుసరుసలాడేలా మెట్ట వేదాంతాన్ని
వల్లించి విసిగిస్తూ వుంటుంది.

కలగాపులగంగా మన
సంస్కృతీ సంప్రదాయాలను
కట్టెలను పేర్చి
దహించుకుకుపోయేలా చేస్తున్నది.

యే చానల్ను యే దుష్ట
శక్తులు నడిపిస్తున్నాయో
ఎవ్వరెరుగని వాస్తవం గనుక
రాజకీయ విషవలయంలోకి
ననలను నెట్టి ఊపిరాడకుందా
జేసి ఉక్కిరిబిక్కిరిజేసి మనుషులను
వారి మనసులనూ గారడీ చేస్తూ ఆడుకుంటున్నది.

ఈ శునకం సమస్తమానవాళికీ శుభం కలిగించాలనె
నా ప్రగాఢమైన కామన.                       29-715
==================================

నగరక్షోభ
===============రావెల.
--------------------------

నగరం నాకెప్పుడూ
నల్లజీరల సంద్రంలా
గోచరిస్తుంది.
కలవాడి కొలతల వాడితో
కలలుగనే వాడి కలతల వేడితో.

ఆటొల్లో బాల్యం క్రిక్కిరిసి వ్రేలాడుతుంది.
సిటీ బస్సుల్లో ఫుట్ బోర్డ్లపైన
ప్రయాణించే ఆకతాయి యువత చేష్టలతో
కళాశాలల ఆడ్తతనం  సిగ్గుతో తలదించుకుంటున్నది.
రేపటిఉషోదయం చూడగలనో లేనో అనే సంశయంతో
వృద్ధాప్యం వెతలబారినపడి రోగగ్రస్తమౌతున్నది.

ఇప్పుడు హోండానా మారుతీ జెన్నునా, వెర్సానా, స్కోడా కారునా
దేనినికొనాలో తేల్చుకోలేక తిక్కిరిబిక్కిరి ఔతున్నది
సాఫ్ట్వేర్ దాంపత్యం.

బంజారాహిల్స్లోనా జూబిలీలోనా ఇంకెక్కడ ఇన్వెస్ట్ చేయాలో
తెలీక అవినీతి ఉద్యోగం ఆతృతగా ఎదురుచూస్తున్నది.
మురికివాడల అభివృద్ధి పేరిట కేటాయించబడిన కేంద్రనిధులనెలా
స్వాహాచెయ్యాలో రాజకీయంప్రణాళికలను
 రచించడంలో పూర్తిగా అంకితమౌతున్నది.

కాలుష్యాల కలశపాధోరాశిగా మహానగరం
వేయిపడగలెత్తి మోరజూపి ఆరోగ్యాన్ని
హరీమనిపించడంలో కృతకృత్యమౌతున్నది.

కార్పొరేట్ ప్రజాస్వామ్యం సోషలిజం సూర్యుడిని
ఆసాంతం మింగాలని తగుసహాయాన్నందించమని ప్రభుత్వానికి
వినతిపత్రం సమర్పించి చోద్యం చూస్తున్నది.

-----------------------------------------------------------------------28-7-15

తోటవైపుకు తొంగిచూస్తూ
-----------------------రావెల.


ఈ తరువుల పేర్లెమిటోతెలియదు
యేపేరుతో పిలిచినా శాఖల
శిఖరాలను వంచి తలలనాడిస్తాయి.
పదాలనేమరచి ప్రవర్తిస్తున్నప్పుడు
అర్ధాలకు ఆస్కారమెక్కడుంది?

మళ్ళీ ఇంకోసారి వచ్చి
మీపుట్టుపూర్వోత్తరాలనుగురించి
వాకబు చేసే ప్రయత్నం చేస్తాను.
 ఎండనకా వాననకా
 ఎంత అవస్థలలోనయినా
గుండె నిబ్బరంతో గుదిగుచ్చుకుని
నిటారుగా నిలబడి వినయ సంపన్నంగా
విధేయతను ప్రకటిస్తాయి..
మళ్ళీమరోసారి యేతెంచి,
మీ క్షేమసమాచారాలను
గూర్చి సుదీర్ఘంగా అడిగి తెలుసుకుంటాను.
అనుభూతి ప్రధానమైన ఆశాలను
అప్రస్తుతంకాకుండా ప్రసంగించి వెళతాను.


ఆలోపు నాకు మీరొక్క సాయంచేసి పెట్తండి.
మీ తలలపై పక్షులకు ఆశ్రయంకలిపించి
వాటికుహూ రవాలకు,కలకూజితాలకు
తలలనూపుతూ తన్మయయత్వమందే దిశగా అడుగులేయంది.

[ఓ ఆంగ్లకవిత ప్రాతిపదికగా అల్లిన కవిత]

-------------------------------------------------------------------

ఎచటికి పోదా మీరాత్రి ?

--------------------------------------

వెలుగు వెంట నడిచే శశికిరణంలా నీవు

నదివెంట పరుగెట్టే తరంగ ధృతిలా నేను

జ్యోత్స్నా భిసారికలా ఎదురుతెన్నులతోనీవు

మై మరపించే లలితగీతంలా మృదు మధుర స్వరంతో నేను

పడుతూ లేస్తూ పరుగెడుతూ నిదానం గా అడుగు వెంట

అడుగులను వేసుకుంటూ పాదచారిలా, సాగిపోతూ నేను

గుండెను దిటవు చేసుకుని

శ్వాసక్రియను స్వచ్చ్సంగా మరల్చుకుని

ఎచటికిపోదామీ రాత్రి ?

దిగంతాలదరికి దిశానిర్దేశనంకోసమా?

అగాధాల అంచులచెంతకు అకుంఠిత జ్ఞానోపదేశానికా--?

============================

విన్నపాలు వినవలె--
-----------------------------రావెల
మేఘాలు
నీలి ఆకాశాన్ని ఆక్రమించి
ఆలింగనం చేసుకుంటున్నాయ్ 
తారాచంద్రులతో గగన సీమనంతటినీ
తళ్కొత్తించాలన్న తపనతో.

జలజల ప్రవహించేనీరు
సముద్రునికి సాగిలబడి నమస్కరిస్తున్నది
వాన చినుకులతో మరల మరలా
భూమాతను పులకింపజేయమని అభ్యర్ధిస్తూ.

గాలిహాయిగా వింజామరలతో వీవనలు మొదలెట్టింది.

ఆరోగ్యాన్ని అందరికీ అందివ్వమని ఆదిత్యుడికి ఆహ్వానాలనదింస్తూ.

వెలుగుతున్న దీపం గాఢంగా తన సద్భావనను ప్రకటిస్తున్నది
చీకటిని కూకటి వ్రేళ్ళతో పెకలించడం ప్రారంభించండని.

భూదేవి అందరికీ వినమ్రంగా వినతులనందజేస్తున్నది
కాలుష్యపు కోరల్లో చిక్కుకోనివ్వకుండా తనను సం రక్షించమని

==============================

నన్ను మరచిపో
కానీ నీవిచ్చిన వాగ్దానాలను విస్మరించకు.
నన్ను ప్రేమగా చుంబించు
పాముల బుసకొట్టే ప్రయత్నం మానుకో.

సంగమలా లీనమయేందుకు
నన్ను వలచు
పాయల్లా విడిపోయేందుకు
ప్రణాళికలను రచించకు.

సంతొషంగా సంసార సాగరాన్ని మధించు
కానీ నాసుఖాన్ని గరళంలా పరిమార్చకు.

చీకటిని పారద్రోలే తలంపులతో చిరుదివ్వెను వెలిగించు
నా బ్రదుకునంధకార బంధురంచేసే ప్రయత్నాలు విరమించు.
నన్ను ఆకాశమార్గంలోకి పయనించే
గాలిపటాన్ని జేసి ఆడించకు.
------------------------------------------------

నాలుగు దశలల్లో--
--------------------రావెల
==========================

శైశవావస్థలో
అమ్మను ప్రేమించాను.
స్తన్యాన్నందించి

నాకు జీవధారలను
అందించినందుకు కాదు.
నా అల్లరి చిల్లరచేష్టలనన్నింటినీ
అభిమాన పురస్సరంగా భరించినందుకు.

యవ్వనదశలో
సౌందర్యలలామలనందరికీ
తలను వంచి గౌరవించాను.
నా సహధర్మ చారిణిలోని
సహన శీలాన్ని మనోపధంలో
శాశ్వతంగా నిలిచిపోయేలా
నిరంతరంగా  కృషి చేసినందుకు.


నడివయసులో ఉద్యోగపర్వంలో
ఉన్నతాధికారులను గౌరవించాను.
కారణం నగరాల్లో నన్ను నియమించి
ఊపిరాడకుండా ఉక్కిరిబిక్కిరి చేయకుండా
పల్లె సీమల్లోని సౌమనస్యాన్నె
పంచుకునే అవకాశాన్ని అందించగలిగినందుకు.

ఇప్పుడు ఈ మలిసంధ్య వేళ
అందరూ నన్ను అభిమాన పాశంతో బంధించేసారు.
ప్రకాశవంతంగా గడచిన గతాన్ని
గుర్తు చేసుకుంటూ నడుంవంచి నడుస్తున్న నన్ను
నర్మ గర్భంగానైనా ఆశీస్సులనందించాలని
తపనబడుతూ నన్ను తమలో ఒకడిగా గౌరవిస్తున్న
సాహితీ సుగతులందరికీ ప్రణమిల్లడం కనీస ధర్మంగదా! .

గదిలో ఆకాశం
-----------------

గదిలోకి ఆకాశం వచ్చి
 గప్ చిప్ గా వాలిపోయింది.
అక్కడే వుండాల్సిన చందమామ
ఆమె ముఖంలోకి జారి మూతి ముడుచుకుంది

తారకల్లా భువిమీదకు
 దిగివచ్చిన వారంతా
సంతానరూపంలో కిమారి
సంతోష సాగరాలై మురిపించారు.
అప్పుడప్పుడూ ఉరుములూ మెరుపులూ  ఉద్ధృతమై
ఉత్తేజాన్నీ ఉద్వేగాన్ని పెంచిపోషించాయి.

వాన కురిసే నల్లని మబ్బులు
బాధాతప్త హృదయాలకు
 బాసటగా మేమున్నమని చెప్పి
భరోసాన్నందించాయ్.
అవి వర్షిస్తే ఆనందం ఆర్ణవమై పొంగిపొరలుతుంది.
వర్షాభావంతో మొహం చాటేస్తే దు: ఖ సాగరాలై ప్రవహిస్తాయి

ఆఫీసు పనుల్లో అలసటచెందిన అయ్యవారు
 తుమ్మల్లో మొలిచిన సురీడులా ఎర్రబడుతూ ఇంటికిచేరతాడు.
అలిగిన సతిని ఆలించి పాలించి అనురాగవతిగా తీర్చిదిద్దుకుంటాడు.

అవరోధాలెన్ని యేర్పడినా ఆవిడమాత్రం అతనికి మలయమారుతమై
పిల్లగాలులను వీస్తూ పరవశింపజేస్తుంది.
పీయూష ధారనందించే ప్రియమనోహరిగా స్వీకరిస్తాడు.

దివ్య తేజస్సు

ఈ అలలసవ్వడిలో

నీ దివ్యప్రభా తేజో దీప్తి వెలువరించే 

 నవ్వులనవరత్నాలను

మంచిమనసు లాంటి  ముత్యాలనూ

యేరుకుందామని

తపనపడే నాగుండెకు

నురగలతో పరుగెట్టే

మనోజవాన్ని

దూరాలను కలిపికుట్టే

ధృతినీ ప్రసాదించి

పుణ్యం కట్టుకో

ఓ సూర్యభగవాన్!

ఓ ఆదిత్యహృదయా !!

ఎంతపుణ్యజీవివయ్యా , నీవు?

ప్రతిప్రభాతాన ఉదయారుణకిరణ స్పర్శతో

జగజ్జేగీయమానంగావెలుగొందే

నీ దివ్య స్వభావ తేజోరూపాన్ని

యే ఉపమానాలతో

సరిపోల్చి సంతృప్తిపడను ?

యే సహస్రనామాలతో

ప్రస్తుతించాలని ప్రయాసపడను 

మరింకే ప్రస్థానం?
----------------------

ఒంటరిగా విహాయసంలో ఎగురుతూన్న పక్షి
కైందన ఉరవళ్ళతో పరవళ్ళతో ప్రవహిస్తున్న
ప్రవాహ దృశ్యాన్ని గూర్చి భయపడడం  లేదు.


దూరంగా ఎత్తుగా కనబడుతున్న
దేవాలయ గోపురం మీదనే మనసంతా
కేంద్రీకృతమై సాగుతున్నది తన ప్రయాణం.

నదీమతల్లి ఒడిలో ఎగసిపడే కెరటాల్లా
ఒడిదుడుకులు జీవనయానంలో సత్యమని
గుర్తెరిగిననాడు దు: ఖభాజనులం కావాల్సిన
అవసరం ఇట్టే కనపట్టదు.

దూరదూరతీరాలకు సాగే యానంలో
లక్ష్యం మీద వుండవలసిన గురిని
 అలక్ష్యం చేయడం భావ్యం కాదుగదా!!
నింగిలో విహరించే విహంగమైనా
నేలమీద శ్వాసించే ప్రాణి ఎవరయినా
గితవచనంగా దీనిని స్వీకరించడమే
సుభాషితమనీ అదే జీవనగీతై

 భాషిస్తుందనీ గ్రహించగలిగిన వాడే
 మేధావి వర్గం కోవలోకిజేరి కులుకుల ప్రస్థానం సాగిస్తాడు.

కొత్త హామీ పత్రం--
-------------------------రావెల
==================================

ఇప్పుడుమా ఇంట్లో కొత్తపూలు పూస్తున్నాయి
పాత చెట్టుకు పూసిన పూలన్నె ఇప్పుడేందుకో
గవులు కంపు కొడుతున్న అనుభూతి నన్ను
అప్రతిభుడిని గావిస్తున్నది.


పాత చెట్టుకు పూసిన పూలను మొగ్గలోనే తుంచి
కొత్త మొక్కలకు పచ్చిరొట్ట ఎరువుగా వాడాలి ఇకముందు.

ఇంటి చాకిరీ అంతా పాపం కొత్త తల్లిమీద పడుతున్నది.
హల్లోల హాలాహలంతో దిగజారుతున్న ప్రతిష్టతో సతమవుతున్న
కేంద్ర ప్రభుత్వ కార్యాలయంలో ఉద్యోగమండీ నేను  వెలగబెడుతున్నది.
అయ్యో మొదటిపెళ్ళాం కేమీకాలెదండీ ఆవిడను కొత్తమోజులో
ఇంటికి దూరంగా నెట్టేసి కొత్తపరుపుమీద నవ్వులను నజరానాగా పొందుతున్న అదృష్టవంతుడిని.
ఇంటిచాకిరీకి పనిమనిషెందుకని ఉన్నకూతురినే అన్ని పనులకూ
వినియోగించడంలో విఫలం కాకుండా జాగ్రత్త పడుతున్నాను.

విసుగుపుట్టించినప్పుడో మనసు వైవిధ్యంకోసం ప్రాకులాడినప్పుడో
కాలిన గరిటతోనో--కట్టుకున్న తోలు బెల్టును విప్పో దండోపాయాన్ని ప్రయోగిస్తున్నాను.
ఇవన్నీ థర్డ్ డెగ్గ్రీ హింసలనుకుంటున్నారా కాదండీ 4 డీ హింసలండీ నేనే కొత్తగా కనిపెట్టాను ప్రయోగదశలో వున్నాయి
సఫలీకృతంకాగానే మీకు తెలియజేసి బహుళ ప్రయోజనకారిగా తీర్చిదిద్ది మీ ప్రశంసలనందుకుంటానని హామీ.
ఇది ఎవరి హింసా ప్రవృత్తికీ అనుకరణగానీ అనువాదంగాదని హామీ సుమా!
పోలీసులతో బాలలహక్కుల పరిరక్షణ బృదం ఇక్కడకు రావడమా? ఇదేం చోద్యమో మీరే చెప్పండి కన్నది నేను హింసిస్తున్నది నేను, మధ్యలో ఈ గన్నాయిగాండ్లకేంటట. ?

తమసోమా--
-------------రావెల
====================
ఎదలో చీకటి
మదిలోచీకటి
తలెత్తి యేదిశన చూసినా
తలవంపులుతెచ్చే చీకటి
అమ్మా భారతమాతా
అఖిల సుగుణసముపేతా!!
ఎక్కడ సంకెళ్ళను ఛేదించికున్న
స్వాతంత్ర భారతం ఎక్కడ?


ప్రభుత్వం ప్రతిపాదించే ప్రతిపనిలోనూ
కల్తీయే మాహారాజ్ఞియై భాషిస్తున్నది.
ప్రాణాన్ని రక్షించే మందులలోగూడా
జీవితాన్ని హరించే లాభదృష్టి
నాణ్యతను కోల్పోయేలా చూస్తున్నది .

వంటలకు వాడేనూనెల్లో
వాహనాలనూనెతోకల్తీ
మేలిరకపు వెన్నపూసలో
మృతపశువులకొవ్వుతో కల్తీ!!

 చీడ పురుగులను చంపాల్సినమందులు
చేలగట్లపై రైతన్నలను పొట్టనబెట్టుకుంటున్నాయ్
మద్యపానపు సీసాల్లో
మత్తుకోసం విషపదార్ధాల మేళవింపు.

రాజకీయ రణరంగంలో
 రావణుల పాత్ర అధికమయింది.
అగ్నిపునీత సీతలకు
ఆక్రందనే వరమై నిలిచింది.

సోషలిజం సూర్యుడింకా
మనపొద్దునపొడవలేదు
తారతమ్యాల తమస్సులింకా
అంతరించిన జాడలేదు.

గణనం
---------రావెల

అస్తమించే సూర్యుడిని చిత్రించేందుకు
అవసరమైన రంగులన్నింటినీ ఒకచోట చేరుస్తున్నాను.
ఉవ్వెత్తున ఎగసిపడే కడలితరంగాలను
కళాత్మక ధ్వ నులను వినేందుకు వీలుగా
కర్ణపుటాలను సమాయత్తం చేస్తున్నాను.
మలయమారుతం వీచేటప్పుడు వినబడే మందహాసాన్ని
ప్రతిభాసమన్వితంగా భద్రపరచుకునే ట్రుంకు పెట్టెలను సిద్ధం చేస్తున్నాను,
అందమైఅ చందమామను అక్కునచేర్చుకుని ఆనందపడే
తారాతోరణాలను శ్రద్ధగా గమనించేందుకు యంత్రాలను
తయారుచేసే పనిలో పూర్తిగా నిమగ్నమై వున్నాను.
బడబానలపు తీక్షణను తట్టుకోవడానికి
సమశీతోష్ణపు గదులను సమాయత్తం చేసుకుంటున్నాను.

అన్నింటినీ దగ్గరగాచేర్చుకుని సంకలనం చేయడనికి తయారవు.
నీజీవన యానానికి సరయిన భాష్యం
వెతుక్కునే శ్రమ నీకు తప్పుతుందని క్షుణ్ణంగా తెలుసుకో!
========================================7-7-15

గణనం
---------రావెల

అస్తమించే సూర్యుడిని చిత్రించేందుకు
అవసరమైన రంగులన్నింటినీ ఒకచోట చేరుస్తున్నాను.
ఉవ్వెత్తున ఎగసిపడే కడలితరంగాలను
కళాత్మక ధ్వ నులను వినేందుకు వీలుగా
కర్ణపుటాలను సమాయత్తం చేస్తున్నాను.
మలయమారుతం వీచేటప్పుడు వినబడే మందహాసాన్ని
ప్రతిభాసమన్వితంగా భద్రపరచుకునే ట్రుంకు పెట్టెలను సిద్ధం చేస్తున్నాను,
 అందమైఅ చందమామను అక్కునచేర్చుకుని ఆనందపడే
తారాతోరణాలను గబ్\నించేందుకు తగు యంత్రాలను
తయారుచేసే పనిలో పూర్తిగా నిమగ్నమై వున్నాను.
బడబానలపు తీక్షణను తట్టుకోవడానికి
సమశీతోష్ణపు గదులను సమాయత్తం చేసుకుంటున్నాను.


ఆనింటినీ దగారగా చేర్చుకుని సంకలనం చేయడనికి తయారవు.
నీజీవన యానానికి సరయిన భాష్యం
వెతుక్కునే శ్రమ నీకు తప్పుతుందని క్షుణ్ణంగా తెలుసుకో!

హరిత క్షేత్ర ధాత్రి

ఎందుకో ఈబొమ్మెపుడూ

ఓటమిదిశగానే పరుగులెడుతుంది

ఎంతో శ్రమకోర్చి స్వేదం వెలార్చి రూపొందించినా

తిరుగు టపాలోతిరిగొచ్చిన ఫిలిం బాక్సులా

వెలవెలబోతూనే వుంటుంది

ప్రభుత్వ కనుసన్నల్లో పంపిణీ అయే

తాలు విత్తనాల సంచుల్లా ఎలాతెలాబోతుంది

ఆకాశానికి అనవరతం వేలాడేలా

కళ్ళను అతికించి వానచినుకులకోసం

పడిగాపులు గాచే రైతన్నల కుటుంబాల్లా

దయాదాక్షిణ్యాలుమరచి దారుణ మారణ మానవ హోమం

జరుపుతున్న వరుణ రాక్షసుడి కార్యకలాపాల్లా

ఈ తీరు ఇలాగే కొనసాగితే

కొన్నాళ్ళకు కన్నీళ్లుకూడా కరువయేప్రమాదం

ముందురోజుల్లో పొంచి వుంటుంది సుమా

అని ప్రకృతి హెచ్చరిస్తున్నాదాఖలాలు యెన్నెన్నో

ఒకప్పుడు వసంతర్తు లో

వికసించే తరువులా నిగనిగలాడుతూ

ముక్కు పచ్చలారకుండా

యేపుగా ఎదిగిన పైరు ప్రపంచం

ఇప్పుడు శిశిరంలో రాలడానికి సిద్ధమైన ఒగుడాకులా

స్రుక్కి సోలి ఓపిక నశించిన దానిలా

హరిత క్షేత్ర ధాత్రి దర్శనమిస్తున్నది

"---------------------------------------

అసాధారణం
----------------------
నాలోతడిసిముద్దయిన జ్ఞాపకాలు
ఎంతగా నగిషీ తనాన్ని సంతరించుకున్నాయో గమనించు,
టళ తళా మెరిసిపోతూ , ధగద్ధగాయమానంగా మురిసిపోతూన్నాయ్.
నన్ను రాత్రంతా కలవళపెట్టి కలతబారేలా చేసిన కలలు
ఎంతగా ప్రకాశిస్తున్నాయో అవధరించు.
కన్నీటితెరల్లోగూడా కమనీయ దృశ్యాల్లా కళ కళలాడుతూ
వెలుగు వెన్నెలజిలుగులను విస్తృతంగా వెలారుస్తున్నాయ్.

ఒక విలువైన సాహితీ వారసత్వాన్ని పుణికిపుచ్చుకున్న నేను
ఓ వినిర్మల దృక్పధాన్ని విజ్ఞాన తెమ్మెరలా మలచుకుని
ఒడ్డుకుచేరేందుకు ప్రయాసపడుతున్న తరంగాల్లా
తలవంచుకుని నడక ప్రవాహ ధృతిలో సాగిస్తున్న వైమనస్యం నాది.
అచ్చోసిన ఆంబోతుల్లా కొన్ని అక్షర సిం హాలు వెంటబడి
మానవతనువేధిస్తూ అంతుబట్టనిరోగంలా పట్టి పీడిస్తున్నాయ్.
ఇదేసమ్యంలో కొన్ని పతాక శీర్షికలకెక్కి తమత వైదుష్యాన్ని
జగతికంతటికీ అవగతం చేయాలని తహతహ పడుతున్నాయ్.
కలాన్ని కళకళలాడింపజేసే ప్రక్రి యలో తలమునకలౌతూ
కరకుదనాన్ని కాదనుకుని కరుణారసస్ఫూర్తికే నిరంతరం అంకితమౌతూ
అభినందన చందనలందుకుని గర్వంగా తలెత్తుకుని తిరుగుతున్నాయ్.
================================================

మేఘ సందేహం
-------------------------
ఎప్పుడూ ఎందుకలా
ఎగాదిగా ఆకాశం వైపు ఆశగా దృష్టి సారించి
స్థాణువై అలానే నిలుచుండిపోతావ్?
మేఘసందేశం విందామనా?
చెవులు రిక్కించి ,మరీ మెడను సారించావు?

వివిధ జీవరాశుల్లో సంభవించే కష్ట సుఖాల్లాగానే
తెలిమబ్బులూ వర్షాభ్రుకాలూ
కలగలుపుగా పెనవేసుకుని
నింగిలో కదలుతూ వుంటాయి
ఆషాఢ మేఘాలు ఆకసాన్ని ఆవరించగానే
పైరుపంటలన్నీ పరవశించిపోతాయ్
చిరుగాలులకు తలలూపే మొక్కలుసైతం
ఆనందబృందావనిలో విహరించినరీతిలో
సంతోష సాగరపు పరవళ్లలో పరవశమై , మునకలేస్తూ వుంటాయ్.

ఉదయాన్నే ప్రభాతగీతాలనాలపించే, భక్తకోటిలాగా
మబ్బులు లేలేత బంగరు కిరణ సమ్యుక్తమై
నిద్రావస్థలోని ప్రపంచాన్ని మేలుకొలుపుతూ వుంటాయి
సాయం సంధ్య సమీపించగానే
రకరకాల రంగుల్లో
తరుణీలలామలు తీర్చిదిద్దే రంగవల్లుల్లా
తళతళా మెరిసిపోతూ
వడివడిగా పరుగులెడుతూ
క్రీడాస్ఫూర్తితో మెలగుతూ వుంటాయి .
మబ్బులమనసుల్లో యేముందో వెనువెంటనే
తెలుసుకోవాలనే తపన మనల్ను త్వర పెడుతూ వుంటాయి
మబ్బులు మనమనోరధాలను సజావుగా నడిపించే సారధ్యబృందాలు
మన హృదయాలను నల్లేరుపై బండి నడకలా సాగింపజేయగల
జంటకవుల్లాంటి ఘనాపాఠీలు
సామర్ధ్యంగల సౌజన్యశీలులు సుమా ఈమబ్బులు

అందుకే ఈమబ్బులపరవళ్ళన్నా
ఈ మబ్బుల తడబడని వడి వడి కదలికలన్నా
నాకు అపరిమిత ఆనందం
అందుకే వాటి స్థితిగతులపై తదేక దృష్టిని సారించి పరశించిపోతుంటాను .

అప్పుడప్పుడూ చిన్న పిల్లవాడిలా ఆశలపందిళ్ళపై పరుగెడుతూ
గాలిపటాలకొనలతొ అల వోకగా, ఆకాశాన్నందుకుని
మబ్బులచెంతకుజేరి నాకృతజ్ఞతలను
స్వయంగా ప్రకటించాలని ఆతృత పడుతుంటాను
===========================================4-7-15

ఇష్టం · వ్యాఖ్య · పంచుకోండి

• Mohan Ravipati, పోతగాని కవి, Bhaskar Kondreddy మరియు 5 ఇతరులు దీనిని ఇష్టపడుతున్నారు.
• 

  KiRan PraKash Superb sir

  6 hrs · ఇష్టం
• 

  Lakshmi Sarala అప్పుడప్పుడూ చిన్న పిల్లవాడిలా ఆశలపందిళ్ళపై పరుగెడుతూ
  గాలిపటాలకొనలతొ అల వోకగా, ఆకాశాన్నందుకుని 
  మబ్బులచెంతకుజేరి నాకృతజ్ఞతలను
  స్వయంగా ప్రకటించాలని ఆతృత పడుతుంటాను... chaala baagundi sir

  6 hrs · ఇష్టం · 1

అదే స్వర్గ భాగ్యము
--------------==============
హరితవనంలో తరువుల చాటునుండి
తొంగిచూసే చందమామ నిన్ను నాకు
చాటుమాటుగా పరిచయం చేసి
సౌందర్య రాశివని చెప్పకయే చెప్పింది.

ఇంటిప్రక్కగా అనునిత్యం పారే సెలయేటిగలగలు
నీవు సుమధుర భాషిణివని దరహాసంతో
మనసారా హత్తుకుని మరీ చెప్పింది.

ఎదురింటి పూరిపాకలో చిన్న చిల్లునేర్పరచుకుని
ఒక్కొక్క చినుకూ తనువుపై పడి తహ తహలతో
పులకింప జేస్తుంటే  నా అధరాలను నిశ్శబ్దంగా
రసాస్వాదనచేసిన నీ అంతరంగాన్ని ఆవిష్కరింపజేసింది.


హేమంతపు చలిగాలులతో నేను వణుకుతూ వుంటే అగ్ని శిఖలా
జ్వలించి నన్ను నీ నులివెచ్చదనంతో పరవశింపజేసిన
మధురాతి మధుర క్షణాలను నా మనోపధంపై
అపురూప వర్ణచిత్రంలా గీసి ఆనందాశ్రువులను
నిరాటంకంగా రాల్చేసినా, నిలబడి  నిభాయించుకునేలా చేసింది

ఎవరు ఎవరినివదులుకుని  మనగలుతాం చెప్పు ప్రియా!!
ప్రేమమనలను భాగ్యవంతులుగా జేసి అందలమెక్కించి కులికేలా చేసింది.
భువికి నాకోసమే దిగివచ్చిన దివ్య భామినివి నీవన్న తలంపు
నన్ను అనునిత్యం ఆశావహుడినిగానిలిపి ఆశీర్వదిస్తున్నది.  

ఆ నీతి కధ
--------------
ప్రాధమిక విద్యారంభంలో
రోజుకొక శతక పద్యం
కంఠతా పట్టాను
టీకాతాత్పర్యాలతో
అవగాహనలేకున్నా
ఆయా  పద్యాలను అలానే వల్లించాను.

యవ్వనంలోకడుగిడగానే
గర్వాతిశయంతో
వాటికి విశ్రాంతినిచ్చి
గౌరవార్హం చేసాను.

నడివయసుకొచ్చేసరికి

పడిలేచిన కెరటంలా
మళ్ళీ నీతి శతకాలను
నోటగరుచుకున్నాను.

ఇప్పుడు జీవన సంధ్యాసమయంలో
ఒక్కొక్క పద్యాన్నీ
శిరోధార్యమని భావించి
మనసారా దొరకబుచ్చికొని
కీర్తనల్లా అనునిత్యం
పాడుకుంటున్నాను.
=================

ప్రణయినీ
--------------
కనుచూపుమేరలో నీవు
 కదలాడుతున్నంతకాలం
కందళిత సుధాతరంగ
మాహృదయం

సురభిళపరిమళమై
నీవు ప్రసరించినంతకాలం
సుందర సుమధురస్వప్నం
నాపరువం



మృదూక్తులను నువ్వు
మనోజ్ఞంగా వల్లించినంతసేపూ
కన్ననికోయిలల కవితాగానం
 నాజీవనరాగం.

ప్రబంధాల ప్రవాహసదృశం
కధానికల కల్ హారం
నవకవితాఉషోదయం
నా ప్రణయాంతరంగం


అందుకే నీ జ్ఞాపకం
నాకు చర్వితచర్వణ వేదం
సంగీత సాహిత్యపు
సమలంకృత సామగానం
మధురోహల మృదుభాషిత
మణిచందనం మన ప్రణయం 

కొత్త చివుళ్ళు
------------------
దినదినమొక గండంగా
నూరేళ్ళాయుస్షు
సగటుమనిషి కేశాతం
పంచాలీ శ్రేయస్సు ?
-------------------
మోడీగారి ప్రభుత్వాని
కెందుకిన్ని తిప్పలు?
తెలిసి తెలిసి చేసారుగద
అమాత్యవరులు తప్పులు?
---------------
సాహితీలోకంలో
ఎందుకింత స్తబ్ధత ?
తగుదునమ్మా,  ఎప్పుడయినా
దాటడం  నిబద్ధత!

ఒక్క మనిషీ నవ్వడేం ?
-----------------------రావెల
-------------------------------
చూరు పట్టుకు వేలాడే
చుట్టపుగబ్బిలంలా
పదవిపట్టుకు వ్రేలాడే
పరహితమెరుగని నేతలా

ఒక్కమనిషీ నవ్వడేం ?

నల్లబజారులా సాగే
అధర్మపు వ్యాపారిలా
నిత్యావసరవస్తువైకూడా
నిత్యం చుక్కలనంటుకునే ధరలా

అవినీతినాశ్రయించి
అందలమెక్కికులికే
అధికారి ఇల్లాలిలా
అన్యాయాన్నంటిపెట్టుకుని
వాదించే [అ] న్యాయవాదిలా

ఒక్కమనిషీ నవ్వడేం ?



మమతా మమకారాలకు
మంచిరూపుతొలగిస్తూ
మనవతా జయపతాకను
అవనతంజేసే మకిలపరుచు మనిషిలా

ఒక్కమనిషీ నవ్వడేం ?
\\\\\\\\\\\\\\\\\\\\\\\\\\\\\\\\\

ఉప్పుకప్పురంబు ఒక్కపోలికగాదు
రుచులుజూడ దాని రచన దెలియు
ఒప్పు తప్పటన్న ఒల్లదులోకము
 తప్పు లొప్పు లన్నఁ దప్పు ముప్పు!

విద్యుల్లేఖ

--------


నీవు స్వేదకెరటమై వర్షించడం మొదలెడితే
వేసవి సమీపించిందన్న స్పృహ నాలో పొటమరించింది.

నీవు గజ గజవణుకుతూ ఘనీభవిస్తుంటే
చలికాలం ఆసన్నమైందని ఉన్ని దుస్తులకు ఊపిరులూదాను.
నీవు యే ఆఛ్చాదననూ  ధరించనుంకించనప్పుడు
శిశిరశిశిరపు వాతూలం  వీస్తున్నదని ఇట్టే అవగతమయింది.

నామనసు, శరీరం, ఆత్మా అన్నీ ఒక్కుదుటన  పులకితవదను లవడం ప్రారంభిస్తే
 అప్పుడిక అర్ధమయింది ప్రియతమా!
మన ప్రణయం వసంత శోభనిట్టే హత్తుకుని
పరవశయై నాఎదుటన పున్నాగపూవులా పరిమళించడం
ప్రణయోద్దీపనకు సమయం ఆసన్నమైనదని ఇక ఆహ్వానపత్రాల
నత్తొంచిడమే మేలని శుభంకరమనీ అర్ధమయిపోయింది సుమా!!

జీవన యానం

బాల్యమంతా

 కోతికొమ్ముచ్చులాటలతో

బరితెగించి ఆడే

  బచ్చాలాటలతో

తొడతొక్కిడిగా ఆడే

తొక్కుడు బిళ్ళాటలతో

ఒంగుదూకుళ్ళనే

 వొంటిని కష్టపెట్టే,  క్రీడలతో

అమ్మ ఆసరా చుసుకుని

 అన్నీ  అవిఘ్నంగా కొనసాగాయి .

యవ్వనంలోకి అడుగిడగానే

కళాశాలల మీద  నాకళ్ళు పడి

కొత్త పరిచయాల కొంగ్రొత్త రుచులు

ఆరాధనా భావాల అంతరంగాలు

మానసికంగా మధనపడే

మహోదధిలో,  తేలియాడే

ఆవేదనా కెరటాలతో  అస్తవ్యస్తమై

నా ఆలోచనా పరిధులను

 అనూహ్యంగా విస్తరింపజేసాయి

ఉద్యోగపర్వంలోకి రాగానే

ప్రియభామిని అందించిన

నందనవనంలోని

పూలమొక్కలు, సురభిళ పరిమళంగా

విస్తరించి కుటుంబ వృక్షాన్ని

విశిష్టమైన చివురాకుల

 సంతకాలతో నింపాయి .

ఇప్పుడు విరామపర్వంలోకి

 వడి వడిగా అడుగులు వేసే వీలయింది.

పునరాలోచనల పున్నాగపూలు

 గుబాళిస్తున్నాయి

పొగడ్తల పొగడండలు తలను వంచేస్తున్నాయి

మధ్యమధ్యలో

నిరాశానిస్పృహల స్నేహహస్తాలు .

అప్పుడప్పుడూ

ఆనందసంధాయకంలా

రంగు రంగుల  రంగవల్లుల్లా

మనుమలూ మనవరాండ్రూ

అంతరంగాన్ని,  కాంతిపుంజాల

సంక్రాంతిలా వెలుగులో ముంచేసి

క్రాంతిమయం గావిస్తూ

ఈ అనుభూతుల  అంతరంగ కధనాలు

ఈ వసంతయామినిలో

వెన్నెల పులుగులై సాక్షాత్కరిస్తూ

మధుర గీతలను మనోహరంగా గానంజేస్తూ

కమ్మని గాత్ర సౌలభ్యంగల కోయిలల్లా 

నా జీవన సంగీతాన్ని సప్తస్వరరస ధునిగా

సంతసానంద సాగర సంభరితంగా తీర్చి దిద్దుతూ

నన్ను పుణ్య చరితుణ్ణి గావిస్తున్నాయి

----------------

త్వదీయం
------------------
ఆమె ఓ మహిమాలయం
నిరాశా నిస్పృహలతో
నీరుగారిపోతూన్న నన్ను
అధిక శ్రమకోర్చి ఘనీభవింపజేస్తుంది.
నీరవ నిశ్శబ్దపు స్తబ్ధతలోంచి
బయటపడటానికి
సులుసూత్రంగా సాయమందిస్తుంది.


ఆమె ఓ వెలుగు కిరణం
వెల్లువగా ప్రవహించే
తిమిర మహోదధులను
తిన్నగా నాగదిలోకి చొరబడి
నన్ను చిరాకు పెట్టకుండా
దారిమళ్ళించడానికి
శతవిధాలుగా సాయమందిస్తుంది.
స్నేహ హస్తాన్ని సాచి భానుడిలా
సర్వం సహా ఆదుకుంటుంది.

ఆమె ఆధునికతనలముకొన్న
అద్భుతమైన రంగు రంగుల
గోడకలంకారమైన వర్ణచిత్రం.
రమణీయ రిరంసను నా హృదయకవాటాల్లోకి
అంతర్వాహినిగా అనుస్యూతంగా  ప్రవహింపజేస్తుంది.

ఆమె ఒక పద్య కవిత
యతిప్రాసల నియమ నిబద్ధతకు
నిఘంట్వర్ధంగా నిలిచి
విస్మృత చరణస్ఫురణకు
అందివచ్చేలా అందమైన
 గణబద్ధమైన సోదాహరణం.
మాటలకందని మధుర భావాలను
రాగరంజితం చేసే దిశగా స్వేదం వెలార్చే
నిత్య సంతోషిణి
నిర్మల మందాకినీ వీచిక