అహింస అంటరానిదై దూరంగా
దూరంగా  జరుగుతున్నప్పుడు
హింసా ప్రవృత్తికలిగివుండడమే
 హితవైనదిగా తోచినప్పుడు
సత్యాన్ని వధించడమే  శాస్త్రసమ్మతంగా
చెలామణీ అవుతున్నప్పుడు,
ధర్మాన్ని చెరలో బంధించి
వేదనపాల్జేసినప్పుడు,
జాతిపితా నీకింకెలాగా
నివాళులందివ్వగలం నువ్వే చెప్పు!
సంవత్సరానికొకసారి నీ శిలావిగ్రహానికి
రంగులేసి పూలదండలతో అలంకరించి
పూజ్య భావాన్ని ప్రకటిస్తున్నట్లు
నటించడంలో నరుని మించిన
నటులెవ్వరున్నారని?
నువ్వే ఆశ్చర్యపోతావ్ !!
ఒకసారి ఇటువైపుకు తొంగిచూస్తే.
================================